विस वर्षापुर्वी अवघ्या 2 रुपये 43 पैसे किंमत असलेल्या शेअरने गुंतवणूकदारांना मालामाल केले आहे. ऑटोमोबाईल कंपनी असलेल्या आयशर मोटार्स या शेअरमधे गुंतवणूक करणा-या गुंतवणूकदारांची चांदी झाली आहे. ते गुंतवणूकदार आता कोट्याधिश झाले आहेत.
गेल्या विस वर्षापुर्वी आयशर कंपनीच्या शेअरची किंमत 2 रुपये 43 पैसे एवढी होती. या शेअरच्या किमतीने आज 2 हजार 731 रुपयांचा टप्पा गाठला आहे. दोन दशकात या शेअरने 1 लाख 12 हजार टक्क्यांपेक्षा अधिक किमतीचा परतावा गुंतवणुकदारांना दिला आहे.
कोरोना कालावधीत आयशर मोटर्स या कंपनीचा शेअर 1250 रुपयांपर्यंत निचांकी पातळीवर आला होता. मात्र स्थिती सुधारल्यानंतर या शेअरची किंमत 115 टक्क्यांनी वाढली. गेल्या दशकात या शेअर्समधे दहा हजार रुपयांची गुंतवणूक करणा-यांना आजमितीला 1 लाख 56 हजार रुपयांचा लाभ झाला आहे. तसेच विस वर्षापुर्वीच्या गुंतवणूकदारांना कोट्यावधी रुपयांचा लाभ झाला असेल.