ट्रेडिंग बझ – नॅशनल पेमेंट कॉर्पोरेशन ऑफ इंडिया (NPCI) ने स्पष्ट केले आहे की UPI पेमेंटवर कोणतेही शुल्क आकारले जाणार नाही. परंतु PhonePe, Google Pay आणि Paytm वॉलेट जारी करणाऱ्या कंपन्यांना शुल्क भरावे लागेल. म्हणजे UPI पेमेंट करणाऱ्या ग्राहकांना कोणतेही शुल्क भरावे लागणार नाही. पण जर तुम्ही व्यापारी असाल आणि तुमच्या खात्याच्या वॉलेटमध्ये पैसे असतील. जर तुम्हाला वॉलेटचे पैसे हस्तांतरित करायचे असतील तर तुम्हाला या व्यवहारावर शुल्क भरावे लागेल.
शुल्क कोणाला भरावे लागेल :-
पेटीएम वॉलेट सारख्या प्लॅटफॉर्मवरून 2000 रुपये किंवा त्याहून अधिकचे पेमेंट मिळाल्यावर 1.1 टक्के शुल्क आकारले जाईल. परंतु जर पेमेंट 2000 रुपयांपेक्षा कमी असेल तर कोणतेही शुल्क आकारले जाणार नाही. हे शुल्क व्यापाऱ्यावर आकारण्यात येणार आहे. नियमित UPI पेमेंट थेट बँक खात्यातून बँक खात्यात केली जाते. म्हणूनच असे पेमेंट मोफत ठेवण्यात आले. भारतात 99.9 टक्के ऑनलाइन पेमेंट UPI द्वारे केले जाते. अशा परिस्थितीत याचा फार कमी लोकांवर परिणाम होईल. पेटीएम, फोनपे आणि गुगल पे एपद्वारे, UPI वरून इतर कोणत्याही UPI एपवर त्वरित पेमेंट केले जाते. पण पैसे डिजिटल वॉलेटमध्ये साठवले जातात. त्यानंतर त्यातून पेमेंट केले जाते. या डिजिटल वॉलेटमधून 2000 रुपयांपेक्षा जास्त रक्कम भरल्यास शुल्क आकारले जाईल. तथापि, डिजिटल वॉलेटद्वारे पेमेंट करणार्‍या वापरकर्त्याकडून शुल्क आकारले जाणार नाही, परंतु डिजिटल वॉलेटमधून पैसे प्राप्त करणार्‍या व्यापाऱ्याकडून शुल्क आकारले जाईल.
असे समजून घ्या :-
समजा तुम्ही दुकानात QR कोड स्कॅन करून 5000 रुपये भरले असतील तर कोणतेही शुल्क आकारले जाणार नाही. परंतु जर तुम्ही QR कोड स्कॅन करून डिजिटल वॉलेटद्वारे 4000 रुपयांचे पेमेंट केले असेल, तर दुकान मालकाला शुल्क भरावे लागेल.