ट्रेडिंग बझ – दुचाकी आणि तीनचाकी वाहन निर्माता बजाज ऑटोने चौथ्या तिमाहीचे निकाल जाहीर केले आहेत. 31 मार्च 2023 रोजी संपलेल्या तिमाहीत, ऑटो कंपनीचा स्वतंत्र निव्वळ नफा 2.5% ने घसरून 1433 कोटी रुपये झाला. या काळात कंपनीचे उत्पन्न वाढले आहे. देशातील सर्वात मोठ्या दुचाकी आणि तीनचाकी वाहन उत्पादक कंपनीने मार्च तिमाहीत 8,904.7 कोटी रुपयांची कमाई केली. मागील वर्षी याच तिमाहीत कंपनीचे उत्पन्न 7,974.8 कोटी रुपये होते. मार्च तिमाहीत नफ्यात घट होऊनही कंपनीने गुंतवणूकदारांना बंपर लाभांश (डिव्हीडेंट) जाहीर केला आहे.
₹140 प्रती शेअर (डिव्हीडेंट) लाभांशाची घोषणा :-
बजाज ऑटोने गुंतवणूकदारांना बंपर लाभांश जाहीर केला आहे. कंपनीच्या बोर्डाने मार्च 2023 ला संपणाऱ्या आर्थिक वर्षासाठी प्रत्येकी 10 रुपयांच्या दर्शनी मूल्याच्या प्रति शेअर 140 रुपये लाभांश जाहीर केला आहे. जानेवारी-मार्च तिमाहीत कंपनीचा EBITDA वाढला आहे. चौथ्या तिमाहीत ते 26 टक्क्यांनी वाढून 1,18 कोटी रुपये झाले आहे, तर तज्ञांच्या अंदाजानुसार 1,561 कोटी रुपये होता. फाइलिंगनुसार, ऑटो कंपनीने मार्च तिमाहीत 8,55,050 वाहनांची विक्री केली. वर्षापूर्वीच्या कालावधीच्या तुलनेत 12.5 टक्क्यांनी घट झाली आहे. (कोरोना)साथीच्या रोगानंतर प्रथमच तीन चाकी वाहनांच्या विक्रीने 100,000 युनिटचा टप्पा ओलांडला. बजाज ऑटोने एका निवेदनात म्हटले आहे की, आमचा बाजार हिस्सा नवीन उच्चांकावर आहे.
मार्च तिमाहीत विक्री घटली :-
फाइलिंगनुसार, ऑटो कंपनीने मार्च तिमाहीत 8,55,050 वाहनांची विक्री केली. वर्षापूर्वीच्या कालावधीच्या तुलनेत 12.5 टक्क्यांनी घट झाली आहे. साथीच्या रोगानंतर प्रथमच तीन चाकी वाहनांच्या विक्रीने 100,000 युनिटचा टप्पा ओलांडला. बजाज ऑटोने एका निवेदनात म्हटले आहे की, आमचा बाजार हिस्सा नवीन उच्चांकावर आहे. पूर्ण वर्षासाठी, बजाज ऑटोची विक्री 39,22,984 युनिट्सवर गेली आहे जी मागील वर्षी 43,08,433 युनिट्स होती. बजाज ऑटोची दुचाकी निर्यात तीन महिन्यांच्या कालावधीत 40 टक्क्यांनी घसरून 3,10,415 वर आली आहे.
बजाज ऑटो शेअर :-
मार्च तिमाहीत बजाज ऑटोच्या शेअर्सनी 7.4% वाढ नोंदवली. या काळात निफ्टी निर्देशांक 4.1% नी घसरला. या वर्षी स्टॉक आता 19.9 टक्क्यांनी वाढला आहे.
अस्वीकरण : येथे केवळ शेअर्स ची माहिती दिली आहे. हा गुंतवणुकीचा सल्ला नाही. शेअर बाजारात गुंतवणूक करणे धोक्याच्या अधीन आहे आणि कृपया गुंतवणूक करण्यापूर्वी योग्य तज्ञांचा सल्ला घ्या .
