2021-22 या आर्थिक वर्षातील कर्मचारी भविष्य निर्वाह निधी (EPF) ठेवींवरील व्याजदर पुढील महिन्यात ठरवले जातील. केंद्रीय विश्वस्त मंडळ, कर्मचारी भविष्य निर्वाह निधी संघटना (EPFO) ची निर्णय घेणारी संस्था – CBT बैठक चालू आर्थिक वर्षातील व्याजदरांबाबत निर्णय घेण्यासाठी पुढील महिन्यात गुवाहाटी येथे बैठक होणार आहे. ही बैठक आर्थिक वर्षाच्या अखेरीस होत आहे.
केंद्रीय कामगार मंत्री भूपेंद्र यादव म्हणाले की EPFO 2020-21 प्रमाणे 2021-22 साठी 8.5 टक्के व्याजदर कायम ठेवेल. यावर यादव म्हणाले की, पुढील आर्थिक वर्षातील उत्पन्नाच्या अंदाजानुसार हा निर्णय घेतला जाईल. भूपेंद्र यादव CBT चे पण प्रमुख आहेत..
सेंट्रल बोर्ड ऑफ ट्रस्टी (CBT) ने मार्च 2021 मध्ये 2020-21 या वर्षासाठी EPF ठेवींवर 8.5 टक्के व्याजदर निश्चित केला होता. अर्थमंत्र्यांनी ऑक्टोबर 2021 मध्ये या दराला मंजुरी दिली होती. त्यानंतर EPFO ने आपल्या क्षेत्रीय कार्यालयांना 2020-21 साठी पेन्शनधारकांच्या खात्यात 8.5 टक्के व्याज जमा करण्याचे निर्देश दिले होते. CBT द्वारे व्याजदरावर निर्णय घेतल्यानंतर, तो वित्त मंत्रालयाच्या मंजुरीसाठी पाठविला जातो. मार्च 2020 मध्ये, EPFO ने भविष्य निर्वाह निधी ठेवींवरील व्याज दर 2019-20 साठी 8.5 टक्के या सात वर्षांच्या नीचांकी पातळीवर आणला होता.
EPFO ने 2018-19 मध्ये 8.65 टक्के व्याज दिले होते. त्याचवेळी 2016-17 आणि 2017-18 मध्ये 8.65 टक्के व्याज देण्यात आले होते. 2015-16 मध्ये व्याजदर 8.8% होता. याशिवाय 2013-14 मध्ये 8.75 टक्के तर 2014-15 मध्ये सुद्धा 8.75 टक्के व्याज देण्यात आले होते. तथापि, 2012-13 मध्ये 8.5 टक्के आणि 2011-12 मध्ये 8.25 टक्के व्याजदर होता.
