ट्रेडिंग बझ – साधारणपणे थंडीच्या मोसमात बटर म्हणजेच अमूल बटरची मागणी वाढते. पण यंदा बाजारात अमूल बटर तुम्हाला दिसणार नाही. खरं तर, दिल्ली, अहमदाबाद आणि पंजाबसह देशातील अनेक भागांमध्ये अमूल बटरचा तुटवडा असल्याच्या तक्रारी आहेत. अमूल बटरही किराणा एपवर विक्रीसाठी उपलब्ध नाही. ट्विटर या सोशल मीडिया प्लॅटफॉर्मवर काही ग्राहकांनी याबाबत तक्रारही केली आहे.
बाजारात विकले जात आहे बनावट अमूल बटर :-
बाजारात अमूल बटरचा तुटवडा असल्याने बनावट अमूल बटरची बिनदिक्कत विक्री होत आहे. अमूल बटरच्या कमतरतेची माहिती सर्वप्रथम अहमदाबादमधून मिळाली होती. मीडिया रिपोर्ट्सनुसार, दिल्लीमध्ये 20 ते 25 दिवसांपासून अमूल बटर उपलब्ध नाही. उत्तर प्रदेशमध्ये 30-35% बटरचा तुटवडा दिसून आला आहे. पुरवठ्याअभावी माल त्यांच्यापर्यंत पोहोचत नसल्याचे वितरकांचे म्हणणे आहे. एवढेच नाही तर अमूल मलई आणि तुपाच्या पुरवठ्यावरही या दिवसात परिणाम झाला आहे.
ट्विटरवर तक्रारींचा ओघ :-
“अहमदाबादमध्ये बटर कोठेही उपलब्ध नाही. अमूलसह दुग्धउत्पादन कंपन्याचा व्यवसाय करत नाहीत. दुकानदार म्हणतात की तुटवडा आठवडाभर टिकेल,” असे एका ग्राहकाने ट्विटरवर सांगितले. दुसरा वापरकर्ता लिहितो, की “तुमच्या लक्षात आले का की अमूल बटर कोणत्याही किराणा प्लॅटफॉर्म किंवा सुपरमार्केटमध्ये उपलब्ध नाही ?”
अमूल कंपनी यावर काय म्हणाले :-
अमूलच्या म्हणण्यानुसार, दिवाळीच्या काळात बाजारात बटरला मोठी मागणी होती आणि उत्पादन मोठ्या प्रमाणावर होऊ शकले नाही. त्यामुळे अमूल बटरचा तुटवडा आहे. दुसरीकडे जनावरांमध्ये दीर्घकाळ रोगराई पसरल्याने त्याचाही परिणाम झाला आहे. कंपनीच्या म्हणण्यानुसार, बाजारात अमूल बटरचा पुरवठा आणि उपलब्धता 4-5 दिवसांत पूर्णपणे सामान्य होईल.”