डिजिटल पेमेंट्स कंपनी पेटीएमने आपला आयपीओ आणण्यापूर्वी मोठी घोषणा केली आहे. कंपनीने आपल्या अ‍ॅपद्वारे व्यापारी आणि ग्राहकांकडून केलेल्या व्यवहारावर कॅशबॅक देण्याची घोषणा केली आहे.
यासाठी कंपनीने 50 कोटींचा निधी आरक्षित केला आहे. डिजिटल इंडियाची 6 वर्षे पूर्ण झाल्यानंतर कंपनीने ऑनलाईन व्यवहारांना प्रोत्साहन देण्याची तयारी केली आहे.
यासाठी कंपनीने 200 हून अधिक जिल्ह्यांमध्ये सर्व प्रकारच्या पातळीवर ऑनलाईन उपक्रम सुरू करण्याचे नियोजन केले आहे. जेणेकरुन व्यावसायिकांना डिजिटल पेमेंट करण्याचे प्रशिक्षण दिले जाऊ शकते आणि कॅशलेस पेमेंट्स स्वीकारण्याबद्दल बक्षीस दिले जाऊ शकते. कंपनी कर्नाटक, केरळ, तामिळनाडू, आंध्र प्रदेश आणि तेलंगणामध्ये विशेष ऑपरेशन्स करणार आहे.
पेटीएमचे सीईओ विजय शेखर शर्मा म्हणाले की, भारताने आपल्या डिजिटल इंडिया मिशनमध्ये महत्त्वपूर्ण प्रगती केली आहे. यामुळे प्रत्येकजण तांत्रिकदृष्ट्या मजबूत होतो. पेटीएमची गॅरंटीड कॅश बॅक त्यांना देण्यात येणार आहे जे देशातील अव्वल उद्योगपती आहेत आणि त्यांनी डिजिटल इंडियाला यशस्वी करण्यात महत्वाची भूमिका बजावली आहे.
शेखर पुढे म्हणाले की, दिवाळीपूर्वी पेटीएम च्या माध्यमातून सर्वाधिक व्यापार करणाऱ्या व्यापाऱ्यांना कॅशबॅक व्यतिरिक्त मोफत साऊंडबॉक्स व आयओटी उपकरणेही दिली जातील. तुम्हाला माहिती आहे का की, डिजिटल इंडियाची सुरूवात देशाचे पंतप्रधान नरेंद्र मोदी यांनी 1 जुलै 2015 रोजी केली होती. भारत डिजिटलदृष्ट्या बळकट करणे हे त्याचे उद्दीष्ट आहे.
