केंद्रातील मोदी सरकारने आज सरकारी कर्मचाऱ्यांना सर्वात मोठी खुशखबर दिली आहे. मंत्रिमंडळाच्या बैठकीनंतर पीएम मोदींनी कर्मचाऱ्यांचा महागाई भत्ता (DA) 3 टक्क्यांनी वाढवण्याची घोषणा केली आहे. पंतप्रधान नरेंद्र मोदी यांच्या अध्यक्षतेखाली केंद्रीय मंत्रिमंडळाने आज 30 मार्च रोजी कर्मचाऱ्यांचा महागाई भत्ता आणि महागाई सवलत (DA) 34 टक्क्यांपर्यंत वाढवली आहे.
कर्मचाऱ्यांच्या डीएमध्ये 3 टक्के वाढ :-
मोदी सरकारने आज सरकारी कर्मचाऱ्यांना खुशखबर दिली आहे. मंत्रिमंडळाच्या बैठकीनंतर पंतप्रधानांनी सरकारी कर्मचाऱ्यांचा डीए 3 टक्क्यांनी वाढवून 34 टक्के करण्याची घोषणा केली.
मागील DA वाढींवर एक नजर :-
जुलै 2021 मध्ये केंद्राने महागाई भत्ता आणि महागाई सवलत 17 टक्क्यांवरून 28 टक्क्यांपर्यंत वाढवली. कोरोना व्हायरसमुळे केंद्र सरकारने जवळपास दीड वर्षांपासून डीए बंद केला होता. ऑक्टोबर 2021 मध्ये केंद्र सरकारच्या कर्मचार्‍यांचा डीए 3 टक्क्यांच्या आणखी वाढीसह 31 टक्क्यांपर्यंत वाढला. केंद्र सरकारी कर्मचाऱ्यांसाठी सुधारित DA जुलै 2021 पासून लागू झाला आहे. 1 जुलै 2021 पासून केंद्र सरकारच्या पेन्शनधारकांसाठी महागाई सवलत देखील 31 टक्क्यांपर्यंत वाढवण्यात आली आहे.
DA ची गणना कशी केली जाते ? :-
महागाई भत्ता हा सरकारी कर्मचारी आणि पेन्शनधारकांच्या पगाराचा एक घटक आहे, ज्याचा उद्देश महागाईचा प्रभाव कमी करणे आहे. वाढत्या महागाई दराला तोंड देण्यासाठी सरकारी कर्मचाऱ्यांच्या प्रभावी पगारात वेळोवेळी सुधारणा केली जाते. DA दरवर्षी दोनदा सुधारित केला जातो – जानेवारी आणि जुलैमध्ये. DA हा राहणीमानाच्या खर्चाशी संबंधित असल्याने, तो प्रत्येक कर्मचार्‍यानुसार बदलतो. ते शहरी भागात राहतात, निमशहरी भागात काम करतात की ग्रामीण भागात राहतात यावर अवलंबून असते.
2006 मध्ये फॉर्म्युला बदलण्यात आला :-
2006 मध्ये, केंद्र सरकारने केंद्र सरकारी कर्मचारी आणि पेन्शनधारकांसाठी महागाई भत्ता मोजण्याचे सूत्र बदलले.
केंद्र सरकारच्या कर्मचार्‍यांसाठी : महागाई भत्ता % = ((गेल्या 12 महिन्यांतील अखिल भारतीय ग्राहक किंमत निर्देशांकाची सरासरी (आधारभूत वर्ष 2001=100) -115.76/115.76)*100.
केंद्रीय सार्वजनिक क्षेत्रातील कर्मचाऱ्यांसाठी : महागाई भत्ता % = (गेल्या 3 महिन्यांतील अखिल भारतीय ग्राहक किंमत निर्देशांकाची सरासरी (आधारभूत वर्ष 2001=100)-126.33)/126.66)*100
महागाई भत्त्यात वाढ, मग तुमचा पगार किती वाढेल ? :-
केंद्र सरकारच्या कर्मचार्‍याला दरमहा 18,000 रुपये मिळतात, त्यांच्या टेक-होम पगारात 3 टक्के वाढ होईल. 34 टक्के डीए सह, त्यांचा पगार दरमहा 6,120 रुपयांनी वाढेल. महागाई भत्ता मूळ वेतनाशी निगडीत असल्याने, डीए वाढल्याने केंद्र सरकारच्या कर्मचार्‍यांच्या मासिक भविष्य निर्वाह निधी (पीएफ) आणि ग्रॅच्युइटीच्या रकमेतही वाढ होईल. त्यामुळे कर्मचारी आणि पेन्शनधारकांसाठी पीएफ, प्रवासी भत्ता आणि ग्रॅच्युइटी वाढणार आहे.
