सिमेंट उत्पादक अल्ट्राटेकने शनिवारी, ऑक्टोबर 28 रोजी तिच्या वाढीच्या तिसऱ्या टप्प्यात तिची क्षमता दरवर्षी 2.19 दशलक्ष टन वाढवण्यासाठी 13,000 कोटी रुपयांची गुंतवणूक करण्याची घोषणा केली. आदित्य बिर्ला समूहाची कंपनी असलेल्या अल्ट्राटेकच्या संचालक मंडळाने कंपनीच्या उत्पादन क्षमतेच्या विस्ताराच्या तिसऱ्या टप्प्यावर 13,000 कोटी रुपयांची गुंतवणूक करण्याच्या प्रस्तावाला मंजुरी दिली. चार नवीन युनिट्स उभारण्याबरोबरच जुन्या युनिट्सचाही विस्तार केला जात आहे.
अल्ट्राटेक कंपनीने एका निवेदनात म्हटले आहे की, या विस्तारानंतर तिची एकूण उत्पादन क्षमता दरवर्षी 182 दशलक्ष टनांपर्यंत वाढेल. त्याची सध्याची क्षमता १३.२४ कोटी टन आहे. जगातील तिसरी सर्वात मोठी सिमेंट कंपनी अल्ट्राटेकने सांगितले की, तिसऱ्या टप्प्यात उभारण्यात येणाऱ्या नवीन प्रकल्पांचे व्यावसायिक उत्पादन आर्थिक वर्ष 2025-26 पासून टप्प्याटप्प्याने सुरू होईल.
आदित्य बिर्ला समूहाचे अध्यक्ष कुमार मंगलम बिर्ला म्हणाले की, ही गुंतवणूक अल्ट्राटेकची भारताच्या वाढीसाठी बांधिलकी दर्शवते. गेल्या सात वर्षांत कंपनीने भारताच्या पायाभूत सुविधांच्या गरजा पूर्ण करण्यासाठी 50,000 कोटी रुपयांहून अधिक गुंतवणूक केली आहे.
