ट्रेडिंग बझ- अदानी गृपने आपल्या गुंतवणूकदारांना एकाच दिवसात दोन बातम्या दिल्या आहेत. एक चांगले आणि एक वाईट, पहिल्या बातमीने गुंतवणूकदारांना निराश केल आहे. अदानी विल्मर लि.ने जाहीर केलेल्या निकालांनुसार, सप्टेंबर तिमाहीत अदानी विल्मरच्या नफ्यात 73% घट झाली आहे. या तिमाहीत कंपनीचा एकूण निव्वळ नफा एका वर्षापूर्वीच्या ₹182 कोटींवरून ₹48.7 कोटींवर घसरला.
त्याच वेळी, इतर बातम्या उत्साहवर्धक होत्या. अदानी एंटरप्रायझेसने गुरुवारी सांगितले की चालू आर्थिक वर्षाच्या दुसऱ्या तिमाहीत त्यांचा निव्वळ नफा दुप्पट झाला आहे. अदानी एंटरप्रायझेस लिमिटेड (AEL) ने दुसऱ्या तिमाहीत 460.94 कोटी रुपयांचा निव्वळ नफा कमावला आहे. वर्षभरापूर्वी याच काळात हा आकडा 212.41 कोटी रुपये होता. कंपनीने सांगितले की, या कालावधीत तिचे ऑपरेटिंग उत्पन्न जवळपास तिप्पट होऊन रु. 38,175.23 कोटी झाले आहे. जुलै-सप्टेंबर 2021 मध्ये हा आकडा 13,218 कोटी रुपये होता. एकात्मिक संसाधन व्यवस्थापन आणि विमानतळ व्यवसायाच्या मजबूत कामगिरीमुळे निव्वळ नफ्यात वाढ झाल्याचे कंपनीने म्हटले आहे.
