छत्तीसगड सरकारने मंगळवारी राज्य सरकारी कर्मचाऱ्यांच्या महागाई भत्त्यात (डीए) ६ टक्के वाढ जाहीर केली. राज्य सरकारने महागाई भत्ता वाढवून २८ टक्के केला आहे. राज्य सरकारच्या या निर्णयाचा किमान ३.८ लाख कर्मचाऱ्यांना फायदा होणार असल्याचे एका अधिकाऱ्याने सांगितले. मुख्यमंत्री कार्यालयाने त्यांच्या अधिकृत ट्विटर हँडलवर पोस्ट केलेल्या परिपत्रकात असे म्हटले आहे की, राज्य सरकारी कर्मचाऱ्यांना या वर्षी मे महिन्यापासून ७ व्या वेतन आयोगांतर्गत २२ टक्के आणि ६ व्या वेतन आयोगांतर्गत १७४ टक्के डीए देण्यात आला आहे.
महागाई भत्ता किती वाढला :-
आदेशात म्हटले आहे की, महागाई भत्त्यात सुधारणा केल्यानंतर सातव्या आणि सहाव्या वेतन आयोगांतर्गत अनुक्रमे ६ टक्के आणि १५ टक्के वाढ करण्यात आली आहे. यावर्षी १ ऑगस्टपासून कर्मचाऱ्यांना २७ टक्के आणि १८९ टक्के डीए मिळणार आहे.
सरकारवर इतका बोजा पडेल :-
महागाई भत्त्यात या वाढीमुळे सरकारच्या तिजोरीवर वार्षिक २१६० कोटी रुपयांचा अतिरिक्त बोजा पडणार असल्याचे सरकारने म्हटले आहे. डीए आणि घरभाडे भत्ता (एचआरए) मध्ये वाढ यासह विविध मागण्यांसाठी राज्य सरकारी अधिकारी आणि कर्मचाऱ्यांचा महासंघ गेल्या महिन्यात पाच दिवस संपावर गेला होता.
अधिकाऱ्यांनी सांगितले की, १३ ऑगस्ट रोजी छत्तीसगड स्टाफ ऑफिसर्स फेडरेशन (CAKM) च्या शिष्टमंडळाने मुख्यमंत्री भूपेश बघेल यांची भेट घेतली होती, ज्यांनी डीए ६ टक्क्यांनी वाढवण्यास सहमती दर्शवली होती.
करदात्यांसाठी महत्त्वाची बातमी ; याचा तुमच्या खिशावर परिणाम होईल..
राज्य शासन द्वारा कर्मचारियों के महंगाई भत्ते की पुनरीक्षित दर का आदेश जारी#मंहगाई_भत्ता pic.twitter.com/qaWvCc7VZB
— CMO Chhattisgarh (@ChhattisgarhCMO) August 16, 2022