जळगाव : निसर्ग कवी म्हणून परिचित असलेले ना. धों. महानोर हे शेती-वाडी, पाणी, कविता, वही गायन आणि निसर्गात रमणारे कवी व लेखक म्हणूनही त्यांना सर्वच ओळखतात. निसर्गाशी एकरूप झालेल्या या कवींच्या आठवणी हिरवाई अन् निळाई जगलेले कार्यक्रमातून जागविल्या. भवरलाल अँड कांताबाई जैन फाउंडेशन व स्व. वसंतराव चांदोरकर स्मृती प्रतिष्ठान यांच्यातर्फे ‘हिरवाई अन् निळाई जगलेले’ या कार्यक्रमाचे आयोजन कांताई सभागृहात करण्यात आले होते.
या प्रसंगी जैन इरिगेशनचे अध्यक्ष अशोक जैन, जिल्हाधिकारी आयुष प्रसाद, महापौर जयश्री महाजन, विवेकानंद कुळकर्णी, ना. धों. महानोर यांचे चिरंजीव डॉ. बाळासाहेब महानोर, गोपाळराव महानोर यांच्या हस्ते कविवर्य ना. धों. महानोर यांच्या प्रतिमेला पुष्पहार अर्पण करण्या आला. ज्योती जैन, निशा जैन यांच्यासह ना. धों. महानोर कुटुंबीय उपस्थित होते.
“एक होता विदूषक’ या चित्रपटातील ना. धों. महानोर यांनी रचलेल्या ‘शब्दांचा हा खेळ मांडला..’ या गीताने मैफलची सुरुवात केली. नभ उतरु आलं. घन ओथंबून.. या सुमधूर गीतांच्या सादरीकरणातून रानकवींचे गारुड आजही मराठी मनावर असल्याशी साक्ष दिली. यावेळी एकाहून एक अजरामर झालेली गीत सादर करण्यात आले. ऐश्वर्या परदेशी, वैशाली शिरसाळे, अथर्व मुंडले, वरुण नेवे व दीपक चांदोरकर यांनी गीतांचे सादरीकरण केले. डॉ. प्रतिमा विश्वास यांनी साथसंगत दिली. सूत्रसंचालन दीपिका चांदोरकर केले.
