केंद्रीय मंत्री नितीन गडकरी इलेक्ट्रिक वाहनांना प्रोत्साहन देण्यासाठी सतत काम करत आहेत. इलेक्ट्रिक वाहनांचा वापर वाढल्याने प्रदूषणात घट होण्याबरोबरच तेलाच्या महागड्या किमतीपासूनही दिलासा मिळू शकतो. सध्या इलेक्ट्रिक वाहनांची किंमत पेट्रोल किंवा डिझेल वाहनांपेक्षा खूप जास्त आहे.
पेट्रोल कारपेक्षा किंमत कमी असेल :-
यावर केंद्रीय रस्ते वाहतूक आणि महामार्ग मंत्री नितीन गडकरी म्हणतात की, आगामी काळात ईव्हीच्या किमती पेट्रोल कारपेक्षा कमी असतील. अमेरिकन इलेक्ट्रिक वाहन निर्माता कंपनी टेस्लाने आपली इलेक्ट्रिक वाहने भारतात बनवली तर त्याचा कंपनीलाही फायदा होईल, असेही ते म्हणाले.
इलेक्ट्रिक कार बनवण्याचे फायदे :-
केंद्रीय मंत्री सोमवारी एका कार्यक्रमात म्हणाले की, तो दिवस दूर नाही जेव्हा देशातील सर्व इलेक्ट्रिक वाहनांची किंमत पेट्रोल वाहनांच्या किमतीपेक्षा कमी असेल. ते म्हणाले, ‘टेस्लाने भारतात इलेक्ट्रिक कार तयार केल्यास त्यांनाही फायदा होईल.’ टेस्लाचे सीईओ एलोन मस्क यांनी नुकतेच ट्विटर विकत घेण्यासाठी करार केला आहे.
चीनमधून आयात करण्यास मनाई :-
गडकरी यांनी यापूर्वी 26 एप्रिल रोजी सांगितले होते की टेस्ला भारतात इलेक्ट्रिक वाहने तयार करण्यास तयार असल्यास काही अडचण नाही, मात्र कंपनीने चीनमधून कार आयात करू नये. रायसीना डायलॉगमध्ये ते म्हणाले होते, ‘जर एलोन मस्क भारतात उत्पादन करण्यास तयार असेल तर काही हरकत नाही… भारतात या, उत्पादन सुरू करा, भारत एक मोठी बाजारपेठ आहे, ते भारतातून निर्यात करू शकतात.’ असे ते म्हणाले..
गेल्या वर्षी, अवजड उद्योग मंत्रालयाने टेस्लाला सांगितले की सरकार कोणत्याही कर सवलतीचा विचार करण्यापूर्वी कंपनीने भारतात आपल्या इलेक्ट्रिक वाहनांचे उत्पादन सुरू केले पाहिजे.
https://tradingbuzz.in/6846/
