ट्रेडिंग बझ – देशातील सर्वात मोठे स्टॉक एक्स्चेंज नॅशनल स्टॉक एक्सचेंज (NSE) ने शुक्रवारी गुंतवणुकदारांना हमी परताव्यासह अवैध ‘डब्बा ट्रेडिंग’ चालवणाऱ्या चार लोकांविरुद्ध चेतावणी दिली. डब्बा ट्रेडिंग हा शेअर्स च्या खरेदी-विक्रीचा अवैध प्रकार आहे. अशा योजनांचे ऑपरेटर लोकांना डीमॅट खाते आणि केवायसी शिवाय शेअर बाजाराबाहेर इक्विटीमध्ये व्यवहार करण्याची परवानगी देतात. जीतू भाई मारवाडी, संजय चौधरी, संजीव राज आणि आरव वाघमारे लोकांना हमी परताव्याचे आश्वासन देऊन बेकायदेशीर ‘डब्बा ट्रेडिंग’ चालवत असल्याचे आढळल्यानंतर NSE ने हा इशारा दिला.
पोलीस तक्रार नोंदवली आहे :-
स्टॉक एक्स्चेंजला आढळले की वाघमारे गुंतवणुकदारांना त्यांचे ‘युजरिड’ आणि ‘पासवर्ड’ शेअर करण्यास सांगून त्यांची ट्रेडिंग खाती ऑपरेट करण्याची ऑफर देत होते. शेअर बाजाराने सांगितले की हे लोक एनएसईचे कोणतेही नोंदणीकृत सदस्य किंवा अधिकृत व्यक्ती म्हणून नोंदणीकृत नाहीत. याप्रकरणी पोलिसात तक्रार दाखल करण्यात आली आहे.
डब्बा व्यापारी व्यक्तीने सांगितलेल्या योजनेत गुंतवणूक करू नका :-
शेअर बाजारात बेकायदेशीर ‘डब्बा ट्रेडिंग’ अक्टिव्हिटी प्रदान करणाऱ्या कोणत्याही व्यक्तीने सांगितलेल्या अशा कोणत्याही योजनेचे किंवा उत्पादनाचे सदस्यत्व घेऊ नये, अशी चेतावणी NSE ने गुंतवणूकदारांना दिली आहे.
