अदानी एंटरप्रायझेसचे मालक गौतम अदानी हे $49 अब्जच्या निव्वळ वाढीसह,बुधवारी प्रसिद्ध झालेल्या 2022 च्या हुरुन ग्लोबल रिच लिस्टनुसार जगातील नंबर 2 वर आले, अदानी समूहाच्या अध्यक्षांनी गेल्या वर्षभरात दर आठवड्याला 6000 कोटी रुपयांची भर घातली आहे, असे हुरुन इंडियाने प्रसिद्धीपत्रकात म्हटले आहे. यादीनुसार, अदानी यांच्या संपत्तीत गेल्या वर्षभरात 153 टक्क्यांनी वाढ झाली आहे.
गेल्या पाच वर्षांत तब्बल 86 रँकमध्ये सुधारणा करून, गौतम अदानी 2022 M3M Hurun ग्लोबल रिच लिस्टमध्ये सर्वात श्रीमंत ऊर्जा उद्योजक बनले आहेत, असे प्रेस रिलीजमध्ये नमूद करण्यात आले आहे.
अदानी न्यू इंडस्ट्रीजच्या माध्यमातून, अदानी गृप ग्रीन हायड्रोजन प्रकल्प, कमी कार्बन विजेची निर्मिती आणि पवन टर्बाइन, सौर मॉड्यूल आणि बॅटरीचे उत्पादन करण्याची योजना आखत आहे,
अदानी समूहाच्या यशाचे श्रेय काही विलीनीकरणालाही दिले जाऊ शकते. अदानी ग्रीन एनर्जीने 26,000 कोटी रुपयांच्या एंटरप्राइझ मूल्यावर एसबी एनर्जी इंडियाचे अधिग्रहण केले. Hurun India नुसार हा व्यवहार भारतातील सर्वात मोठा अक्षय्य M&A करार आहे.
अदानी समूहाने गेल्या वर्षी क्लियरट्रिप प्रायव्हेट लिमिटेडमध्ये अल्पसंख्याक स्टेकसाठी अघोषित रक्कम गुंतवली होती ज्यायोगे ग्राहकांना उत्पादनांच्या आणि सेवा ऑफरच्या विस्तृत श्रेणीद्वारे अखंड प्रवासाचा अनुभव मिळावा. एका निवेदनात, अदानी समूहाने म्हटले आहे की, “ते क्लियरट्रिप प्रायव्हेट लिमिटेड, एक ऑनलाइन ट्रॅव्हल एग्रीगेटर (OTA) आणि फ्लिपकार्ट समूहाचा भाग, भारतातील घरगुती ग्राहक इंटरनेट इकोसिस्टममध्ये गुंतवणूक करत आहे.
