प्रधानमंत्री गरीब कल्याण अन्न योजना (PMGKAY) अंतर्गत मोफत रेशन वितरण 30 नोव्हेंबरच्या पुढे वाढवण्याचा सरकारकडे कोणताही प्रस्ताव नाही आहे . केंद्रीय अन्न सचिव सुधांशू पांडे यांनी शुक्रवारी सांगितले की OMSS धोरणांतर्गत अर्थव्यवस्थेतील सुधारणा आणि खुल्या बाजारात अन्नधान्याची चांगली विक्री लक्षात घेता PMGKAY द्वारे मोफत रेशन वितरणाचा कालावधी नोव्हेंबरच्या पुढे वाढवण्याचा कोणताही प्रस्ताव नाही.
कोविड-19 मुळे उद्भवलेल्या संकटाचा सामना करण्यासाठी मार्च 2020 मध्ये PMGKAY ची घोषणा केली होती. सुरुवातीला ही योजना एप्रिल-जून 2020 या कालावधीसाठी सुरू केली, परंतु नंतर ती यावर्षी 30 नोव्हेंबरपर्यंत वाढवण्यात आली.
पांडे यांनी पत्रकार परिषदेत पत्रकारांना सांगितले की “अर्थव्यवस्था सुधारत असल्याने आणि आमच्या मुक्त बाजार विक्री योजनेंतर्गत (OMSS) अन्नधान्याची विक्री देखील यावर्षी अपवादात्मकरित्या चांगली झाली आहे.” त्यामुळे PMGKAY चा विस्तार करण्याचा कोणताही प्रस्ताव नाही.” PMGKAY अंतर्गत, सरकार राष्ट्रीय अन्न सुरक्षा कायदा (NFSA) अंतर्गत 80 कोटी शिधापत्रिकाधारकांना मोफत रेशन पुरवते. त्यांना रेशन दुकानातून अनुदानित धान्याव्यतिरिक्त मोफत रेशन दिले जाते. देशांतर्गत बाजारपेठेत उपलब्धता सुधारण्यासाठी आणि किंमतींवर अंकुश ठेवण्यासाठी सरकार OMSS धोरणांतर्गत मोठ्या प्रमाणात ग्राहकांना तांदूळ आणि गहू पुरवत आहे.
