बाबा रामदेव यांच्या पतंजली समूहाची कंपनी रुची सोया इंडस्ट्रीजला बाजार नियामक सेबी (SEBI) कडून फॉलो ऑन पब्लिक ऑफर अर्थात FPO साठी ग्रीन सिग्नल मिळाला आहे. मनीकंट्रोलनुसार, कंपनीच्या 4,300 कोटी रुपयांचा एफपीओ पुढील आठवड्यात येऊ शकतो. सेबीच्या नियमांनुसार, कोणत्याही सूचीबद्ध कंपनीमध्ये किमान सार्वजनिक धारण 25 टक्के असावे. ही अट पूर्ण करण्यासाठी रुची सोचा एफपीओ आणत आहे.
या FPO च्या माध्यमातून कंपनीच्या प्रवर्तकांना कंपनीतील त्यांचा हिस्सा किमान 9 टक्क्यांनी कमी करावा लागतो. सध्या प्रवर्तक समूहाचा कंपनीमध्ये 98.90 टक्के हिस्सा आहे. सेबीच्या नियमांनुसार, प्रवर्तकांना कंपनीतील त्यांची हिस्सेदारी 75 टक्क्यांवर आणावी लागते आणि त्यासाठी त्यांना डिसेंबर 2022 पर्यंत वेळ देण्यात आला आहे. या FPO कडून मिळालेला निधी कंपनी कर्जाची परतफेड करण्यासाठी वापरेल.
कंपनी निधीचे काय करणार?
रुची सोयाची स्थापना 1986 मध्ये झाली आणि खाद्यतेल विभागातील अग्रगण्य एफएमसीजी ब्रँडपैकी एक आहे. याव्यतिरिक्त, हे देशातील सर्वात मोठ्या सोया पदार्थ उत्पादकांपैकी एक आहे. पतंजली आयुर्वेदने 2019 मध्ये दिवाळखोरीतून ती खरेदी केली होती. बाबा रामदेव यांनी अलीकडेच म्हटले होते की, कंपनीला दोन वर्षांच्या आत कर्जमुक्त करण्याचे त्यांचे ध्येय आहे. कंपनीचे म्हणणे आहे की FPO कडून मिळालेल्या रकमेपैकी 2,663 कोटी रुपये कर्ज सेवांवर आणि 593.4 कोटी रुपये कार्यशील भांडवलावर खर्च केले जातील. उर्वरित रक्कम सामान्य कॉर्पोरेट हेतूंसाठी वापरली जाईल.
