एसबीआय फंड मॅनेजमेन्ट (एसबीआय एमएफ) पाचव्या टप्प्यात फ्रँकलिन टेम्पलटनच्या गुंतवणूकदारांना 3303 कोटी रुपये देणार आहे. सोमवार 12 जुलैपासून याची सुरुवात होईल. फ्रँकलिन टेम्पलटनने 6 योजना बंद केल्या आहेत, तेव्हापासून या योजनांमध्ये गुंतवणूक करणार्‍यांचे पैसे अडकले आहेत.
फ्रँकलिन टेंपल्टनच्या प्रवक्त्याने रविवारी 11 जुलै रोजी सांगितले होते की पाचव्या टप्प्यातील 3303 कोटी रुपये जोडून आतापर्यंत 21800 कोटी रुपये गुंतवणूकदारांना परत करण्यात आले आहेत. कंपनीच्या एकूण एयूएम (मालमत्ता अंडर मॅनेजमेंट) पैकी हे 84% आहे.
फ्रँकलिन टेंपलटनच्या गुंतवणूकदारांना पैशांचा परतावा या वर्षाच्या फेब्रुवारीमध्ये सुरू झाला. पहिल्या टप्प्यात गुंतवणूकदारांना 9122 कोटी रुपये मिळाले. दुसरा टप्पा 12 एप्रिलपासून सुरू झाला ज्यामध्ये गुंतवणूकदारांना 2962 कोटी रुपये परत करण्यात आले. तिसरा टप्पा 3 मेपासून सुरू झाला. त्यानंतर 2489 कोटी रुपये गुंतवणूकदारांना मिळाले. चौथ्या टप्प्यात जूनपासून प्रारंभ झाला त्यामध्ये 3205 कोटी रुपये गुंतवणूकदारांना परत करण्यात आले. १२ जुलैपासून पाचवा टप्पा सुरू झाला असून यामध्ये 3303 कोटी रुपये परत मिळतील.
पैसे कसे मिळवायचे?
ही रक्कम त्याच गुंतवणूकदारांना परत केली जात आहे ज्यांनी फ्रँकलिन टेंपलटनच्या बंद योजनेत गुंतवणूक केली होती. त्यांचे पैसे काढण्यासाठी गुंतवणूकदारांना केवायसी प्रक्रिया पूर्ण करावी लागेल.
ही रक्कम गुंतवणूकदाराच्या प्रमाणात परत केली जाईल. हे पेमेंट एसबीआय एमएफच्या वतीने इलेक्ट्रॉनिक मोडद्वारे केले जाईल. फ्रँकलिन टेंपलटनच्या 6 योजना बंद झाल्यानंतर सर्वोच्च न्यायालयाने फ्रँकलिन टेंपलटनची मालमत्ता विक्री करुन पैसे परत करण्यासाठी एसबीआय एमएफची नियुक्ती केली.
इलेक्ट्रॉनिक मोडद्वारे पैसे घेण्यास सक्षम नसलेल्या गुंतवणूकदारांच्या नावे एसबीआय एमएफ चेक किंवा डिमांड ड्राफ्ट जारी करेल. हे केवळ त्यांच्या नोंदणीकृत पत्त्यावर पाठविले जाईल.
23 एप्रिल 2020 रोजी फ्रँकलिन टेम्पलटनने आपल्या 6 योजना बंद केल्या. वाढत्या विमोचन (युनिट सेलिंग) दबाव आणि बाँड बाजारात तरलपणा नसल्यामुळे कंपनीला आपल्या योजना बंद कराव्या लागल्या.
